ავტოსაგზაო შემთხვევის გამო, რომელსაც ორი ადამიანის სიცოცხლე ემსხვერპლა, სამართალდამცავებმა ქართველი მძღოლი დააკავეს.
თურქული მედიის ცნობით, ავარია კაისერის რაიონში მოხდა.
პინარბაში-მალათეას ავტომაგისტრალზე, ერთ-ერთ გზაჯვარედინზე მოძრავ ორ მანქანას, რომელშიც თურქი სამხედროები ისხდნენ, ტრაილერი დაეჯახა, რომელსაც ქართველი მძღოლი მართავდა.
ავარიის შედეგად ორი ახალგაზრდა ადგილზე გარდაიცვალა, სამი ადამიანი კი მძიმე დაზიანებებით საავადმყოფოში გადაიყვანეს.
