აშშ-ში ერთ დღეში კორონავირუსით 1922 ადამიანი გარდაიცვალა. ამის შესახებ ინფორმაციას “სიენენი” ავრცელებს. ეს მაჩვენებელი აშშ-ისთვის რეკორდულია. საერთო ჯამში, 9 აპრილის მონაცემებით, აშშ-ში ვირუსის შედეგად გარდაცვლილთა რაოდენობამ 14 817-ს მიაღწია.
განსაკუთრებით რთული მდგომარეობაა ნიუ იორკში, სადაც გასული დღე ღამის განმავლობაში 700-ზე მეტი ადამიანი გარდაიცვალა.
აშშ კორონავირუსით ინფიცირებულთა რაოდენობითაც გლობალური ლიდერია, ქვეყანაში კორონავირუსი 432 ათასზე მეტ ადამიანს დაუდასტურდა. გამოჯანმრთელდა 23 906 პაციენტი.
