რუსეთის ფედერაციის უშიშროების საბჭოს თავმჯდომარის მოადგილე დიმიტრი მედვედევი აშშ-ის მიერ უკრაინელებისთვის 40 მილიარდი დოლარის დამტკიცებულ დახმარებას გამოეხმაურა.
„აშკარაა, რომ ასეთი უპრეცედენტო მასშტაბის „დახმარება“ საერთოდ არ აიხსნება უკრაინის სიყვარულით და არც საკუთარი ეკონომიკის მხარდაჭერით. მისი მიზანია რუსეთის წინააღმდეგ მარიონეტული ომის გაგრძელება, მძიმე მარცხის მიყენების სურვილი, რომ ჩვენმა ქვეყანამ შეზღუდოს ეკონომიკური განვითარება და პოლიტიკური გავლენა მსოფლიოში“, – განაცხადა მედვედევმა.
მედვედევმა აღნიშნა, რომ რუსეთი უკრაინის წინააღმდეგ საომარი მოქმედებების შეწყვეტას არ აპირებს და „სპეცოპერაციის მიზნები მიღწეული იქნება“.
