უკრაინის შინაგან საქმეთა მინისტრი არსენ ავაკოვი აცხადებს, რომ მის უწყებას არ ეხება მიხეილ სააკაშვილის ექსტრადიციის საკითხი, იქნება ეს საქართველოში თუ ნებისმიერ სხვა ქვეყანაში. ამის შესახებ მან განუცხადა ჟურნალისტებს კიევში გამართულ ბრიფინგზე. “ღმერთია მოწმე, მთელი ეს პერიოდი მე ვცდილობდი გამეკეთებინა ისე, რომ სასაზღვრო სამსახურის და პოლიციის ოფიცრები არ დაკავებულიყვნენ პოლიტიკური პოზიციის დაფიქსირებით და მოვითხოვდი მათგან მხოლოდ სამსახურებრივი მოვალეობის შესრულებას”, – თქვა ავაკოვმა.