არ მაქვს დაკავების მოლოდინი იმიტომ, რომ არ არის არანაირი დანაშაული ჩადენილი-მაჩალიკაშვილი დაკითხვაზე შევიდა

region
: region მაისი 10, 2019 15:32

არ მაქვს დაკავების მოლოდინი იმიტომ, რომ არ არის არანაირი დანაშაული ჩადენილი-მაჩალიკაშვილი დაკითხვაზე შევიდა

„არ მაქვს დაკავების მოლოდინი იმიტომ, რომ არ არის არანაირი დანაშაული ჩადენილი,“ – ეს განცხადება, მალხაზ მაჩალიკაშვილმა სუს-ში დაკითხვაზე შესვლამდე გააკეთა.

გომელაურის უწყება პანკისში სპეცოპერაციის დროს მოკლული ახალგაზრდის მამას, სოსო გოგაშვილის წინააღმდეგ ტერორისტული აქტის დაგეგმვაში ადანაშაულებს. მაჩალიკაშვილის თქმით, დანაშაულის მცდელობაც კი არ ყოფილა, შესაბამისად, მისი და მისი ძმისშვილის დაკავების საფუძველი არ არსებობს.

„ამათთან რამდენიმე ადამიანი ზის, ვისაც დაუშავებიათ ჩემს წინაშე, მთელი ერის წინაშე, საქართველოს წინაშე, მთელი ქისტი მოსახლეობის წინაშე, ის სისხლგასვრილი ხელებით აქ სხედან. ესენი არიან დასაჭერი, მე არაფერი ჩამიდენია,“ – განაცხადა მალხაზ მაჩალიკაშვილი.

კითხვაზე, შეესაბამება თუ არა ინფორმაცია იმის შესახებ, რომ არსებობს ვიდეომტკიცებულება, სადაც ჩანს რომ მისი ძმისშვილი გოგაშვილის ახლობლების საფლავზე იმყოფება, მაჩალიკაშვილი ამბობს, რომ მსგავსი სახის ვიდეო ვერ იარსებებს. მაჩალიკაშვილი ამბობს, რომ მისი ძმისშვილი საფლავზე არ ყოფილა.

„როცა ვნახავ, მაშინ გავცემ მაგაზე პასუხს, რატომ იყო, რისთვის იყო – 1500 საქმეა, რატომ მიდიან, რისთვის მიდიან. თუ იცოდნენ, ჩასულები იყვნენ, თუ იცოდნენ გეგმავდნენ, მაშინ იქამდე სად იყვნენ, ორი თვის განმავლობაში სად იყვნენ, მცდელობა თუ იყო სად იყვნენ. მაშინ თუ ვგეგმავდით, მაშინ ფაქტამდე დაელოდათ, რომ დაეჭირათ. ეს არის უბრალოდ ჩემი განადგურების მიზანი, განადგურდეს თემირლანის სამართალი,“ – განაცხადა მალხაზ მაჩალიკაშვილმა.

region
: region მაისი 10, 2019 15:32

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

  • სანდრა რულოვსი (66%, 1 551 ხმა)
  • გიორგი (გეგა) შენგელია (26%, 615 ხმა)
  • ზვიად სიჭინავა (4%, 103 ხმა)
  • თენგო ჯგუშია (3%, 81 ხმა)

ხმები სულ: 2 350

Google სტატისტიკა


4,438
ვიზიტორი
დღეში
Powered By Google Analytics