ადვოკატის განცხადებით, მარიანა ჩოლოიანის პატიმრობაში დატოვება უსამართლო გადაწყვეტილებაა

region
ავტ.: region თებერვალი 12, 2020 16:49

ადვოკატის განცხადებით, მარიანა ჩოლოიანის პატიმრობაში დატოვება უსამართლო გადაწყვეტილებაა

მარიანა ჩოლოიანის პატიმრობაში დატოვება უსამართლო გადაწყვეტილებაა, – ამის შესახებ გარდაცვლილი 15 წლის ლუკა სირაძის საქმეზე, ჩვენების იძულებაში ბრალდებული გამომძიებლის, მარიანა ჩოლოიანის ადვოკატმა სასამართლოს გადაწყვეტილების შემდეგ განაცხადა.

სასამართლოს გადაწყვეტილებით, ბრალდებულისთვის შეფარდებული აღკვეთის ღონისძიება პატიმრობა ძალაში დარჩა. ადვოკატები მარიანა ჩოლოიანის 10-ათასლარიანი გირაოთი გათვალისუფლებას ითხოვდნენ.

რაც შეეხება საკითხს, თუ რატომ არ დაესწრო დღევანდელ წინასასამართლო სხდომას მარიანა ჩოლოიანი, ადვოკატის თქმით, ის შეუძლოდაა და ექიმების მეთვალყურეობის ქვეშ იმყოფება.

„კანონმდებლობით მარიანა ჩოლოიანის მიმართ დამატებითი შეზღუდვების გამოყენება შესაძლებელი იყო, თუმცა სასამართლომ დაცვის მხარის შუამდგომლობა არ გაითვალისწინა და ბრალდების მხარის დაუსაბუთებელი პოზიცია გაიზიარა, რომლის მიხედვითაც ბრალდებულმა შესაძლოა, ხელახალი დანაშაული ჩაიდინოს. სასამართლოს მიერ მიღებული გადაწყვეტილება უსამართლოა. დაცვის მხარე გააგრძელებს სამართლებრივ ბრძოლას. ჩვენ არ უნდა ავყვეთ საზოგადოების ემოციებს. საჭიროა, სწორად შეფასდეს ის ბრალდება, რაც დაუსაბუთებლად წარდგენილი აქვს მარიანა ჩოლოიანს“, – განაცხადა ადვოკატმა.

მისი თქმით, დახურულ სხდომაზე სასამართლომ დაცვის მხარის მტკიცებულებები დასაშვებად სცნო. ადვოკატის განცხადებით, აღნიშნული მტკიცებულებები ადასტურებს მარიანა ჩოლოიანის უდანაშულობას.

ამასთან, გაგი მოსიაშვილის თქმით, პროკურატურამ სხდომაზე ჩოლოიანის წინააღმდეგ მხოლოდ ერთი „დაინტერესებული პირის ჩვენება წარმოადგინა“, რომელიც გარდაცვლილის დედას ეკუთვნის.

 

დღევანდელ სხდომაზე საქმის არსებითი განხილვის თარიღად 26 თებერვალი განისაზღვრა.

region
ავტ.: region თებერვალი 12, 2020 16:49

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,540
ვიზიტორი
დღეში
Powered By Google Analytics