საქართველოს სამთავრობო უწყებებმა 9 აპრილის ტრაგედიასთან დაკავშირებით Facebook-ის ოფიციალურ გვერდებზე მთავარი ფოტოები შეცვალეს. საქართველოს მთავრობა ამ ფორმით, სიმბოლურად, კიდევ ერთხელ პატივს მიაგებს დაღუპულთა ხსოვნას.
აღსანიშნავია, რომ ტრაგედიის 31 წლისთავზე, 9 აპრილს დაღუპულთა ხსოვნისადმი მიძღვნილ კამპანიას – „მადლობა თავისუფლებისთვის“ უპრეცედენტოდ ბევრი Facebook-მომხმარებელი შეუერთდა. 9 აპრილთან დაკავშირებით მთავარი ფოტოები Facebook-ის გვერდებზე ათი ათასობით მოქალაქემ შეცვალა.