ალექსი პეტრიაშვილზე თავდასხმის ერთ-ერთი მონაწილის დაკავების ფაქტს, პოლიტიკოსის მეუღლე ჟურნალისტი ეკა მიშველაძე გამოეხმაურა. მიშველაძის თქმით ჯერჯერობით მხოლოდ ერთი პირია დაკავებული და უცნობია თავდასხმის მოტივიც, შესაბამისად საქმე გახსნილად ვერანაირად ვერ ჩაითვლება:
„საქმე ვერანაირად გახსნილად ვერ ჩაითვლება რადგან დაკავებულია მხოლოდ ერთი თავდასხმელი და უნდა ვიცოდეთ მკვლელობის მცდელობის მოტივი, მე კიდევ ერთხელ ვამბობ, რომ ეს საქმე არ არის სხეულის განზრახ დაზიანება ეს არის მკვლელობის მცდელობა“- განაცხადა ეკა მიშველაძემ.
