შპს “ყაზტრანსგაზ-თბილისის” ინფორმაციით, დავით აღმაშენებლის ხეივანში ჩასატარებელი სალიკვიდაციო სამუშაოს გამო, დღეს გაზმომარაგება შეიზღუდება.
11:00 საათიდან 17:00 საათამდე გაზმომარაგება შეუწყდება სოფელ დიღმის ნაწილს; „ტოიოტას“ ცენტრსა და მიმდებარე შენობებს; სოფლებს ძველ ვეძისსა და დიდგორს; საქალაქო სასამართლოს, ცენტრალური საარჩევნო კომისიის, დაცვის პოლიციის, „ემბავუდისა“ და მიმდებარე შენობებს, სულ 500-მდე აბონენტს.
შპს ”ყაზტრანსგაზ-თბილისი” ბოდიშს უხდის თავის აბონენტებს დისკომფორტისთვის და მიუწოდებს მათ, არ დატოვონ უყურადღებოდ გაზის დანადგარები, ხოლო ონკანები იქონიონ დაკეტილ მდგომარეობაში. კომპანიაში განმარტავენ, რომ მოქალაქეების მიერ უსაფრთხოების წესების შეუსრულებლობით გამოწვეულ შედეგებზე შპს „ყაზტრანსგაზ-თბილისი“ პასუხისმგებელი არ არის.
