მთავრობაში 2016 წლის ბიუჯეტის პარამეტრების განხილვა შეაფასა ახალი პოლიტიკური ცენტრის დამფუძნებელმა. ზურაბ ჯაფარიძეს ქვეყნის ეკონომიკის გაუმჯობესებისთვის აუცილებლად მიაჩნია მთავრობის ხარჯების შემცირება და გადასახადების დაწევა.
„3%-იანი ეკონომიკური ზრდა საქართველოსთვის ნიშნავს, რომ ჩვენ ვდგავართ ერთ ადგილას და მათ შორის ჩვენ დავეწევით ევროპის განვითარების საშუალო დონეს ერთი საუკუნის შემდეგ,“ – განმარტა ზურაბ ჯაფარიძემ.
უმრავლესობაში აცხადებენ, რომ მთავრობაში გამოქვეყნებული პარამეტრები ლოგიკურია.
“წლევანდელი წლის მონაცემები, მიუხედავად იმისა, რომ ჩვენ გავაკეთეთ კორექტირება და 2 პროცენტიანი ზრდა დავგეგმეთ, ზრდა უფრო მეტია, ანუ 3 პროცენტიან ზრდასთან დაკავშირებით არ არის გადაჭარბებული ოპტიმიზმი და არც სკეპტიციზმია, რადგან ის სირთულეები რაც იყო, არის და ვფიქრობ, ალბათ, ასეთი პარამეტრი გონივრულია,” – განმარტა პარლამენტის საფინანსო-საბიუჯეტო კომიტეტის თავმჯდომარის პირველმა მოადგილემ ნოდარ ებანოიძემ.
