გერმანიაში პრეზიდენტისა და სტუდენტების შეხვედრის ერთ-ერთი მონაწილე „რუსთავი 2“-ს დეზინფორმაციაში ადანაშაულებს

region
ავტ.: region ივლისი 15, 2019 15:51

გერმანიაში პრეზიდენტისა და სტუდენტების შეხვედრის ერთ-ერთი მონაწილე „რუსთავი 2“-ს დეზინფორმაციაში ადანაშაულებს

გერმანიაში პრეზიდენტ სალომე ზურაბიშვილისა და სტუდენტების შეხვედრის ერთ-ერთი მონაწილე ირინე ჩიხლაძე ტელეკომპანია „რუსთავი 2“-ს დეზინფორმაციაში ადანაშაულებს.

როგორც მან სოციალურ ქსელ ფეისბუქში“ დაწერა, შეხვედრაზე 20 ივნისთან დაკავშირებით კითხვა არ დასმულა და პრეზიდენტს ქართველი სტუდენტებისთვის უწიგნურები და გაუნათლებლები არ უწოდებია.

„ფეიქ-ნიუსებს, დეზინფორმაციას უნდა ვებრძოლოთ ყველგან! არ შეიძლება ასეთი არასწორი ინფორმაციის გავრცელება და საკუთარი სურვილის მიხედვით ინტერპრეტირება! ფაქტიურად მთელი ნიუსი არის ტყუილი! 1. პრეზიდენტს არ უწოდებია ქართველი სტუდენტებისთვის უწიგნურები და გაუნათლებლები; 2. 20 ივნისზე შეკითხვა არ დასმულა; 3. ვინაიდან შეხვედრისთვის განკუთვნილ დროს გადავაჭარბეთ, რამდენჯერმე ითქვა, რომ უნდა დაგვესრულებინა, რის შემდეგაც პრეზიდენტი ადგა, მადლობა გადაიხადა და გავიდა. ამას დაასტურებს ყველა, ვინც იყო სტუდენტების შეხვედრაზე“,- წერს ჩიხლაძე სოციალურ ქსელში.

ამასთან, როგორც პოსტის შემდეგ ჩიხლაძე თავად აღნიშნავს, „რუსთავი 2“-მა დააკორექტირა მის მიერ პირველად გამოქვეყნებული ინფორმაცია „პრეზიდენტმა გერმანიაში ქართველ სტუდენტებს უწიგნურები და გაუნათლებლები უწოდა“. ინფორმაცია სათაურით „პრეზიდენტის ადმინისტრაციის წარმომადგენელმა გერმანიაში ქართველ სტუდენტებს უწიგნურები და გაუნათლებლები უწოდა“ განთავსდა. ჩიხლაძე შესაბამის ფოტოსაც ქვეყნებს და წერს, რომ მისი კომენტარი თავდაპირველად გავრცელებულ ინფორმაციას ეხებოდა.

პრეზიდენტი სალომე ზურაბიშვილი გერმანიაში იმყოფება.

region
ავტ.: region ივლისი 15, 2019 15:51

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,030
ვიზიტორი
დღეში
Powered By Google Analytics