გრიგორი კარასინი – ნატო-ს სამხედრო აქტივობის გაზრდა საქართველოს კავკასიაში დაძაბულობის ერთგვარ პლაცდარმად აქცევს

region
: region აპრილი 3, 2019 19:47

გრიგორი კარასინი – ნატო-ს სამხედრო აქტივობის გაზრდა საქართველოს კავკასიაში დაძაბულობის ერთგვარ პლაცდარმად აქცევს

რუსეთის საგარეო საქმეთა მინისტრის მოადგილე გრიგორი კარასინი აცხადებს, რომ ნატო-ს სამხედრო აქტივობის გაზრდა საქართველოს კავკასიაში დაძაბულობის ერთგვარ პლაცდარმად აქცევს. ამის შესახებ მან ჟენევის საერთაშორისო მოლაპარაკების 47-ე რაუნდის შემდეგ განაცხადა.

„განვიხილეთ რეგიონში არსებული ვითარება. როგორც ყოველთვის, მოსაზრებები გაიყო. ჩვენი აზრით, ნატო-ს სამხედრო აქტივობის გაზრდა საქართველოს კავკასიაში დაძაბულობის ერთგვარ პლაცდარმად აქცევს. ამ პროცესს აქტიურად ვადევნებთ თვალს.

ჩვენც, აფხაზეთი და სამხრეთ ოსეთიც, როგორც საქართველოს მეზობლები უნდა დავრწმუნდეთ, რომ ეს ჩვენ წინააღმდეგ არ არის მიმართული. ამაზე მხოლოდ საუბარი საკმარისი არ არის, საჭიროა დიალოგი ნატო-სა და რუსეთს შორის, რუსეთსა და საქართველოს შორის. სხვადასხვა საკითხებს განვიხილავთ ხოლმე, ტექნიკურს, ჰუმანიტარულს, თუმცა ეს საკმარისი არ არის“, – განაცხადა გრიგორი კარასინმა.

მისივე თქმით, მოლაპარაკებებისას მხარეებმა რეგიონზე შეფასებები გაცვალეს.

„ბუნებრივია, თქვენს წარმომადგენლებს სხვა შეხედულებები აქვთ. სამხედრო პოლიტიკური ბლოკი, რომელიც რუსეთის ფედერაციისა და მისი მოკავშირეების – აფხაზეთისა და სამხრეთ ოსეთის საზღვრებს უახლოვდება, იწვევს ჩვენს შეშფოთებას. ეს სამხედრო ბლოკი, რომელიც საომრად არის განწყობილი, ფართოვდება და უახლოვდება ჩვენს საზღვრებს. ჩვენ გვაქვს უფლება, გამოვთქვათ ჩვენი შეშფოთება და საჭიროების შემთხვევაში მივიღოთ ადეკვატური ზომები რეაგირებისთვის. როგორი შეიძლება იყოს ეს ზომები, ამას სიტუაცია აჩვენებს“, – განაცხადა გრიგორი კარასინმა.

region
: region აპრილი 3, 2019 19:47

დღის ფოტო

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

შედეგის ნახვა

Google სტატისტიკა


7,065
ვიზიტორი
დღეში
Powered By Google Analytics