ჯვარი-მესტიის ავტომაგისტრალზე ადგილობრივი მოსახლეობის საპროტესტო აქცია მიმდინარეობს. სოფელ ჭუბერის და იდლიანის მოსახლეობა სოციალურ პრობლემებთან დაკავშირებით შეიკრიბა.
ადგილზე მობილიზებულია პოლიციის ქვედანაყოფები. სვანეთში იმყოფებინ სამხარეო პოლიციის წარმომადგენლებიც. აქციის მონაწილეებს ცენტრალური გზის გადაკეტვა სურთ, თუმცა პოლიცია მათ ამის საშუალებას არ აძლევს.
მოსახლეობა ახალ წლამდე ხე-ტყით სარგებლობის უფლებას ითხოვს. ისინი ასევე აპროტესტებენ ნენსკრა და ხუდონ ჰესების მშენებლობას. აქციის მონაწილეები ხელისუფლებას უყურადღებობაში ადანაშაულებენ. ისინი ღარიბაშვილთან, ივანიშვილთან და კალაძესთან შეხვედრას ითხოვენ, წინააღმდეგ შემთხვევაში კი პერმანენტული აქციებით იმუქრებიან.