საბურთალოს მუნიციპალიტეტის შენობაში საქართველოს წითელი ჯვრის საზოგადოება (სწჯს) საბურთალოს გამგეობასთან ერთად ჰუმანიტარულ დახმარებას დაარიგებს.
როგორც “თაიმერს” საქართველოს წითელი ჯვრის საზოგადოებიდან აცნობეს, პირველადი მოხმარების ნივთები 13 ივნისის სტიქიის შედეგად დაზარალებულ თბილისსა და მის მიმდებარე ტერიტორიაზე მცხოვრებ 90 ოჯახს დაურიგდება.
დაზარალებულთა დახმარება შესაძლებელი გახდა წითელი ჯვრისა და წითელი ნახევარმთვარის საზოგადოებათა საერთაშორისო ფედერაციის მეშვეობით.
დაზარალებულებს ჰუმანიტარულ დახმარებას საქართველოს წითელი ჯვრის საზოგადოების პრეზიდენტი, ნათია ლოლაძე და საბურთალოს რაიონის გამგებელი ბექა მიქაუტაძე გადასცემენ.