რუსთავში, ვახტანგ გორგასლის სახელობის საკათედრო ტაძარში ქობულეთში ხანძრის შედეგად დაღუპული ბავშვების პანაშვიდი მიმდინარეობს. რუსთავის ვახტანგ გორგასლის სახელობის ტაძარში საქართველოს კათოლიკოს-პატრიარქი ილია მეორეც მიბრძანდა.
ტაძრის ეზოში იმყოფებიან ქვემო ქართლის ადგილობრივი ხელისუფლების წარმომადგენლები, რუსთავის მერიისა და საკრებულოს წარმომადგენლები.
შეგახსენებთ, რომ ქობულეთში სასტუმრო “არმაზში” გაჩენილი ხანძრის დროს გუშინ სამი ბავშვი დაიღუპა.
