ამ დრომდე ვერ ხერხდება იმ 6 გარდაცვლილი ადამიანის ვინაობის დადგენა, რომლებიც სუფსასთან მომხდარი ავარიის დროს მერსედესისი მარკის მსუბუქ ავტომანქანაში ისხდნენ.
ადგილზე ამ წუთებში ექსპერტ-კრიმინალისტები მუშაობენ, თუმცა გარდაცვლილთა იდენტიფიცირებას ამ დრომდე ძლიერი დამწვრობების გამო ვერ ახერხებენ.
როგორც “გურიის მოამბეს” ადგილიდან აცნობეს, მსუბუქ მანქანაში მსხდომი 6-ვე მგზავრი თბილისელია და ისინი ბათუმში მიემგზავრებოდნენ.
სუფსთან, წყალწმინდაზე მომხდარ ავტოსაგზაო შემთხვევას შვიდი ადამიანი ემსხვერპლა. ერთმანეთს მიკროავტობუსი და “მერსედესის” მარკის ავტომანქანა შეეჯახნენ. შემთხვევა დაახლოებით 20:20 წუთზე მოხდა.
შემთხვევის შედეგად მსუბუქი ავტომობილი აალდა. შიგ მყოფი 6 მგზავრი ადგილზე გარდაიცვალა. მათ შორის ორი მცირეწლოვანი იყო.
