გურჯაანის რაიონის სოფელ კარდენახში დამხრჩვალი მამაკაცის ცხედარი იპოვეს. 68 წლის ჯეირან აბაშიძეს მაშველებმა სამდღიანი ძებნის შედეგად მიაკვლიეს.
ადგილობრივების ინფორმაციით, უბედური შემთხვევა იმ დროს მოხდა, როცა მამაკაცი, სავარაუდოდ, ნასვამ მდგომარეობაში არხში საბანაოდ ჩავიდა. სამძებრო სამუშაოებში პოლიცია და კახეთის სამაშველო სამსახური იყო ჩართული. ცხედარი გურჯაანის რაიონის პროზექტურაში გადაასვენეს, მომხდარზე გამოძიება დაიწყო.