სამართალდამცველებმა მექსიკის შეერთებული შტატების მოქალაქე, 1974 წელს დაბადებული ალექსანდრე კ. თაღლითობის ბრალდებით დააკავეს.
გამოძიებამ დაადგინა, რომ ბრალდებულმა 2014-2015 წლებში, კანადაში გამგზავრებისა და დასაქმების დაპირების სანაცვლოდ, საქართველოს მოქალაქეებს თაღლითურად გამოართვა და მიითვისა 170 ათასი ლარი.
ბრალდებული თბილისში დააკავეს. გამოძიება თაღლითობის ფაქტზე მიმდინარეობს.