რუსთავი 2-ის გარშემო მიმდინარე მოვლენებთან დაკავშირებით შეერთებული შტატების სახელმწიფო დეპარტამენტის მიერ გაკეთებულ მწვავე შეფასებას ეხმაურება ოპოზიცია.
ნაციონალური მოძრაობაში მიიჩნევენ, რომ მსგავსი საკითხები აზიანებს ქვეყნის იმიჯს. ისინი გამოსავალს რიგგარეშე არჩევნებში ხედავენ.
„რუსთავი 2-ის დახურვის პროცესით ფაქტობრივად დღევანდელი ხელისუფლება კარგავს ლეგიტიმურობას, როგორც ქვეყნის შიგნით, ასევე ქვეყნის გარეთ. საქართველოს მთავრობის რეპუტაცია ქვეყნის გარეთ უკვე უტოლდება ნულს,“ – განაცხადა სერგო რატიანმა.
მისივე განმარტებით, ყველაფერი უნდა გაკეთდეს იმისათვის, რომ ქვეყანა და მისი ხელისუფლება დაბრუნდეს ლეგიტიმურობის ჩარჩოში.