რუსული მხარე ისევ უარს ამბობს დაკავებული რუსი სამხედრო სომეხ ძალოვანებს გადასცეს. მოლარაკებები უშედეგეოდ გრძელდება. 
ერთადერთი დათმობა რაზეც რუსული გენერალიტეტი წავიდა, არის ის, რომ მათ ერთ დეპუტატს მისცეს საშუალება შესულიყო 102-ე სამხედრო ბაზაზე და მხოლოდ ენახა მკვლელობაში ეჭვმიტანილი, რომ ის ამ დრომდე სომხეთში რჩება.
ექსპერტები უკვე საუბრობენ, რომ მომხდარი ინციდენტი და კრემლის პოზიცია ამ ინციდენტის შემდეგ, უარყოფითად აისახება რუსულ-სომხურ ურთიერთობებზე.
დეპუტატ მართუნ გრიგორიანის ინფორმაციით, ავეტისიანის ოჯახის მკვლელობაში ბრალდებული რუსი სამხედრო ამ დრომდე გიუმრიში იმყოფება. გრიგორიანის თქმით, მან პირადად ნახა ვალერი პერმიაკოვი 102-ე სამხედრო ბაზაზე.
რუსი სამხედრო ვალერი პერმიაკოვი ავეტისიანების ოჯახის მკვლელობაშია ეჭვმიტანილი. ავეტისიანების ოჯახის 6 წევრი, მათ შორის, 2 წლის გოგონა 12 იანვარს მოკლული იპოვეს.
როგორც რუსულმა, ისე სომხურმა მხარემ მომხდართან დაკავშირებით სისხლის სამართლის საქმე აღძრა, თუმცა შემდეგ მიღებულ იქნა გადაწყვეტილება, რომ პერმიაკოვის საქმეს რუსული მხარე განიხილავს.
