რუსეთი ყოველთვის გამონახავს ადეკვატურ პასუხს, გარედან მომავალ ზეწოლაზე, – ამის შესახებ რუსეთის პრეზიდენტმა ვლადიმერ პუტინმა დღეს, 23 თებერვლისადმი მიძღვნილ კონცერტზე გამოსვლისას განაცხადა.
“არავის უნდა ჰქონდეს ილუზია, რომ შესაძლებელია მიაღწიოს სამხედრო უპირატესობას რუსეთზე და განახორციელოს მასზე რაიმე სახის ზეწოლა. მსგავს ავანტურებზე ყოველთვის გვქნება ადეკვატური პასუხი. ჩვენმა ჯარისკაცებმა და ოფიცრებმა დაადასტურეს, რომ მზად არიან გადამწყვეტი მოქმედებისთვის, პროფესიონალურად და მამაცურად შეასრულონ ყველაზე რთული, არასტანდარტული ამოცანები, როგორც ეკადრება გაწვრთნილ, ქმედუნარიან თანამედროვე არმიას, რომელიც იცავს თავის ტრადიციებსა და მებრძოლის ვალს”, – განაცხადა პუტინმა.
მისი თქმით, რუსეთის არმია მუდმივად განაგრძობს სრულყოფას და უსწორდება ყველაზე თანამედროვე მოთხოვნებს. პუტინის განცხადებით, ყველაფერს გააკეთებს იმისთვის, რომ შეიარაღებულმა ძალებმა პოტენციალი გაზარდოს.
