საქართველოს პრემიერმინისტრის წერილს უკრაინის პრეზიდენტისადმი ირაკლი ალასანია ეხმაურება. თავისუფალი დემოკრატების ლიდერის განცხადებით ორ ქვეყანას შორის ურთიერთობას საფრთხე არ ემუქრება. პასუხისმგებლობა კი ორივე, დაპირისპირებულ, ქართულ მხარეს ეკისრება.
„ორ ქვეყანას შორის ურთიერთობას ვერც ეს აუდიჩანაწერი ვერ შეცვლის იმიტომ, რომ ეს არის სტრატეგიული პარტნიორობა ჩვენსა და უკრაინას შორის. ბუნებრივია, შეკითხვებზე, უნდა იქნეს პასუხი გაცემული, მაგრამ რა შეფასებები უნდა გაკეთდეს და ვინ უნდა დასვას პასუხისმგებლობა მთავრობის თავმჯდომარის, რომელმაც მოუწოდა ხალხს, პრაქტიკულად, თავისი გაუთვლელი შეფასებებით ძალადობისკენ. ამიტომ, ორივე მხარეს არის შეკითხვები, რომელსაც პასუხი უნდა გაეცეს ორივე მხარის მიერ“, – განაცხადა ალასანიამ.
