„რუსთავი 2“-ის გენერალური დირექტორი, ნიკა გვარამია სამაუწყებლო კომპანიის მფლობელების, გია და ლევან ყარამანიშვილების შესახებ პირველ კომეტარს აკეთებს.
„მეგობრებო, გია ყარამანიშვილი არ არსებობს კი არა, სანამ საქართველოში იყო, ყოველ დღე „რუსთავი 2“-ში იჯდა და ათჯერ მეტი სამუშაო მქონდა, ვიდრე მისი წასვლის შემდეგ. დღესაც, თუ საქართველოს მთავრობა მოინდომებს, შეუძლია, ჩვენი „ვაიბერით“ ლაპარაკის ჩანაწერები „გამოდოს“. არ ვმალავ, მისგან ნამდვილად ვიღებ ინსტრუქციებს. ჩემი უფროსი ეგაა და ამის კომპეტენცია აქვს. ლევანიც ნამდვილად არსებობს და ბევრად უფრო პასიურია. სამაგიეროდ, გია ორივეს მაგივრობას წევს,“ – წერს ნიკა გვარამია სოციალურ ქსელ „ფეისბუქში“.
