მორიგი თავდასხმა “ლიბერთი ბანკზე.” ამჯერად ბანკი აბაშის რაიონის სოფელ სუჯუნაში გაქურდეს.
არსებული ინფორმაციით, ქურდები ჯერ გამგეობის შენობის მეორე სართულზე შეიპარნენ, შემდეგ კი ბანკში შევიდნენ.
ბანკიდან 850 ლარია წაღებული. არსებული ინფორმაციით, შემთხვევა შაბათს მოხდა, თუმცა ამის შესახებ ბანკის თანამშრომლებმა დღეს, სამსახურში მისვლის შემდეგ შეიტყვეს.
“კურიერის” ჟურნალისტის ინფორმაციით, შენობას დაცვის სამსახური არ იცავს.
მომხდარზე დაწყებულია გამოძიება და აღძრულია სისხლის სამართლის საქმე.