დაკარგულ დებ ზარანდიებთან ერთად კიდევ ერთ პირს, 27 წლის სერგო კაპანაძეს ეძებენ. დაკარგული სერგო კაპანაძის ოჯახის ახლობლების ინფორმაციით, სერგო კაპანაძე დებ ინდირა და ლიზა ზარანდიებთან ერთად ტაქსით მგზავრობდა. მასთან კონტაქტი 00:30 საათზე შეწყდა, რის შემდეგაც მობილურ ტელეფონზე ვეღარ უკავშირდებიან.
რაიმე სახის ინფორმაციის არსებობის შემთხვევაში ოჯახი აღნიშნულ ნომერზე დაკავშირებას და ინფორმაციის მიწოდებას ითხოვს – 574194455.
დაკარგულ დებს, ინდირა და ლიზა ზარანდიებს ამ დრომდე ვერ პოულობენ. ოჯახის ახლობლების ინფორმაციით, დები დაახლოებით 00:30 საათზე თბილისში, “თავისუფლების მოედნიდან” ნუცუბიძის ქუჩის მიმართულებით მიემართებოდნენ.
მათივე თქმით, ორივე დას გათიშული აქვს ტელეფონის ნომერი და ამ დრომდე კონტაქტზე არ გამოდიან. ახლობლებმა მიმართეს ყველა შესაბამის უწყებას, თუმცა მათ შესახებ არანაირ ინფორმაციას არ ფლობენ. ვრცელდება ასევე დაუდასტურებელი ინფორმაცია, რომ დები ზარანდიები სტიქიის შედეგად დაიღუპნენ.
