საქართველოს უზენაესი სასამართლოს თავმჯდომარე ნინო გვენეტაძე მოსამართლე მერაბ ტურავას ავადმყოფობის გამო გიგი უგულავას საქმეზე გადაწყვეტილების გამოცხადების გადადებაზე კომენტარს არ აკეთებს.
“მე არ შემიძლია ამაზე კომენტარის გაკეთება. მე კომენტარისაგან თავს შევიკავებ”,- განუცხადა გვენეტაძემ ჟურნალისტებს.
გიგი უგულავას საქმეზე გადაწყვეტილების გამოცხადება გუშინ, 11:00 საათზე დაანონსდა, რომლის მიხედვითაც, პლენუმს აღნიშნულ საქმეზე გადაწყვეტილება 17:00 საათზე უნდა გამოეცხადებინა.
არსებული ინფორმაციით, მერაბ ტურავა მას შემდეგ მივიდა საავადმყოფოში, რაც საკონსტიტუციო სასამართლომ გიგი უგულავას საქმეზე გადაწყვეტილების გამოცხადება დააანონსა.
