საქართველოს პრემიერ-მინისტრ ირაკლი ღარიბაშვილისა და ევროპული საბჭოს პრეზიდენტის, დონალდ ტუსკის პირისპირ შეხვედრაზე საქართველოსა და ევროკავშირის ურთიერთობის საკითხები განიხილეს.
როგორც “თაიმერს” საქართველოს მთავრობის ადმინისტრაციის პრესსამსახურიდან აცნობეს, მხარეებმა საქართველოს ევროინტეგრაციის დღის წესრიგზე ისაუბრეს.
მათივე ცნობით, აღინიშნა, რომ საგარეო გამოწვევების მიუხედავად, საქართველო არჩეული კურსის ერთგულია და მტკიცედ ადგას ევროპული და ევროატლანტიკური ინტეგრაციის გზას.
საქართველოს მთავრობის მეთაურმა მადლობა გადაუხადა ევროპული საბჭოს პრეზიდენტს საქართველოში სტუმრობისათვის, რაც ევროკავშირის მხარდაჭერის მკაფიო დასტურად შეაფასა.
