34 წლის ვალერი ვარშალომიძეს მკვლელმა სამი ტყვია ესრულა, რის შედეგადაც იგი ადგილზე გარდაიცვალა.
შემთხვევა კავკასიონის ქუჩაზე გამთენიისას მოხდა. თვითმხილველების თქმით, გარდაცვლილი ახალგაზრდების ჩხუბს იმ დროს შეესწრო, როდესაც ის სიგარეტის საყიდლად მაღაზიაში ჩავიდა. გარდაცვლილი აფხაზეთიდან დევნილია.
მკვლელობაში ბრალდებული მინდია წიწაშვილი პოლიციას საკუთარი ნებით ჩაბარდა. შემთხვევის ადგილზე ამ დრომდე ექსპერტ-კრიმინალისტები მუშაობენ.
გარდაცვლილის ცხედარი ლევან სამხარაულის სახელობის გურჯაანის სასამართლო-საექსპერტო ბიუროში გადაასვენეს. საქმე განზრახ მკვლელობის მუხლით აღიძრა. გამოძიებას კახეთის სამხარეო პოლიციის მთავარი სამმართველო აწარმოებს.