ჯანდაცვისა და სოციალური მომსახურების საქალაქო სამსახურის ხელმძღვანელმა მედიას 2015 წლისთვის დაგეგმილი პრიორიტეტული პროგრამები გააცნო.
გელა ჩივიაშვილის განცხადებით, ჯანდაცვისა და სოციალური მომსახურების მიმართულებით, 29 პროგრამა განხორციელდება და რესურსების შედარებით მეტი რაოდენობა სიღარიბის ნიშნით მიზნობრივ ჯგუფებს მოხმარდება.
ასევე ცნობილი გახდა, რომ ამ პროგრამების მიზნობრიობისა და განხორციელების ეფექტიანობის შესაფასებლად, კვლევებიც ჩატარდება.
„ეს არის ის პროგრამები, რომლებიც 2015 წელს იყო პრიორიტეტული მერიისთვის, განსაკუთრებით ლეიკემიის და ძვლის ტვინის ტრანსპლანტაციის პროგრამები, ჰეპატიტის პროგრამა. სოციალური პროგრამებიდან 5 ახალი პროგრამა დაემატა დედაქალაქს მერის წინასაარჩევნო დაპირების შესაბამისად. ასევე გამოვყოფდი შშმ პირების დაფინანსებას, რომელთა საჭიროებაც განსაკუთრებით მაღალია,“ – განაცხადა გელა ჩივიაშვილმა.
