დღეს, სამეგრელოში 1კგ თხილი 10,30-დან 10,50 ლარამდე ღირს. გასულ კვირაში კი, თხილის ფასმა 11 ლარს გადააჭარბა, თუმცა დღეს მისი ფასი მცირედით შემცირდა. ამის მიზეზად თხილის ექსპორტიორები ეროვნული ვალუტის კურსის ცვლილებას უკავშირებენ. გასულ კვირასთან შედარებით, ლარის კურსი რამდენიმე პუნქტით გამყარდა. რაც შეეხება თხილის ნაჭუჭს, მისი ფასი 20–23 თეთრამდე მერყეობს. შეგახსენებთ, რომ სამეგრელოში თხილის ნაჭუჭი, გათბობის ერთ–ერთი საშუალებაა.
