პირველ კომენტარს ხელისუფლებიდან სოფელ ქარქუსაანში მომხდარ გატაცებაზე საგარეო საქმეთა მინისტრი თამარ ბერუჩაშვილი აკეთებს.
მინისტრი განმარტავს, რომ მას ამ კონრეტულ შემთხვევაზე ინფორმაცია არ აქვს, თუმცა ზოგადად გატაცებების ფაქტს კიდევ ერთხელ გმობს და აცხადებს, რომ “ეს არის ადამიანის უფლებების უხეში დარღვევა.”
ბერუჩაშვილის თქმით გახშირებული გატაცებები არის ის სირთულე, რასაც სამწუხაროდ კონფლიქტის ზონაში მცხოვრები საქართველოს მოსახლეობა ხშირად აწყდება.
შეგახსენებთ, რომ გრემისხევის თემის სოფელ ქარქუსაანის სასაფლაოდან 42 წლის მამაკაცი გაიტაცეს, რომელიც სიდედრის დაკრძალვაზე იმყოფებოდა.
