თბილისში, ჭავჭავაძის 29-ში დედის დაჭრაში ეჭვმიტანილი პირი არასრულწლოვანია.
ამის შესახებ კორპუსის მაცხოვრებელები საუბრობენ, რომელთა თქმით, ეჭვმიტანილი 16 წლისაა.
მათივე ინფორმაციით, დაჭრილს 3 შვილი ჰყავს. ის, სავარაუდოდ უფროსმა შვილმა დაჭრა, რომელიც შემდეგ მე-11-ე სართულიდან ცდილობდა გადმოხტომას. მას ამის საშუალება სამართალდამცველებმა არ მისცეს და ამ დროისთვის ის დაკავებულია.
დაჭრილი ქალი კი ეზოში ლიფტით უმცროსმა შვილებმა ჩიყვანეს, რომელთა შორის ყველაზე პატარა 4 წლისაა.
ეზოში მისი გადარჩენა მეზობელმა შეძლო, რომელიც ექიმია და მოახერხა, არტერია გადაეკეტა.
ქალს ჭრილობა ყელის არეში აქვს მიყენებული. დაჭრილი რესპუბლიკურ საავადმყოფოშია გადაყვანილი, სადაც ოპერაცია უტარდება. სავარაუდოდ, მიყენებული დაზიანება მძიმე არ არის.
