“აბაშიძე არის პოლიტიკური ქვევრი, რასაც ჩასძახებს კარასინი, იმას ამოსძახებს ბატონი აბაშიძე საქართველოს ინტერესების საწინააღმდეგოდ,” – ამის შესახებ პარლამენტში დღევანდელ სხდომაზე “ნაციონალური მოძრაობის” ერთ-ერთმა ლიდერმა აკაკი მინაშვილმა განაცხადა.
„ეს იყო რუსეთის საგარეო საქმეთა მინისტრის განცხადებაზე პასუხი, როდესაც ყოველგვარი მორიდების გარეშე ლავროვმა კიდევ ერთხელ დაგვიქნია თითი, ყური აგვიწია. რამდენიმე დღეში იგეგმება კარასინი-აბაშიძის ფორმატში შეხვედრა და მე ამ ფორმატს დავარქმევდი კარასინის ფორმატს იმიტომ, რომ აბაშიძეს იქ არავითარი როლი არ აქვს, გარდა იმისა, რომ არის კარასინის პაიკი და ბატონი აბაშიძე არის პოლიტიკური ქვევრი. რასაც ჩასძახებს კარასინი, იმას ამოსძახებს ბატონი აბაშიძე საქართველოს ინტერესების საწინააღმდეგოდ,” – განაცხადა აკაკი მინაშვილმა.
