“უპასუხისმგებლობა და ბრიყვული საქციელი” – ოთარ კახიძე ნიკა მელიას პასუხობს

timer.ge თაიმერი
: timer.ge თაიმერი ნოემბერი 7, 2017 15:11

“უპასუხისმგებლობა და ბრიყვული საქციელი” – ოთარ კახიძე ნიკა მელიას პასუხობს

მნიშვნელოვანი

  • ადვოკატ გიორგი ონიანის საქმეზე გამამტყუნებელი განაჩენის გამოტანას და ონიანის დაკავებას პოლიტიკურ დევნას უწოდებენ „ევროპული საქართველოს“ წევრები. ოთარ კახიძე ამბობს, რომ გოგა ონიანი ივანიშვილის პირადი პატიმარია, რადგან ონიანის წინააღმდეგ არსებული საჩივრების ავტორები სწორედ ივანიშვილის ახლობლები არიან.

სხვა სტატიები

ადვოკატ გიორგი ონიანის საქმეზე გამამტყუნებელი განაჩენის გამოტანას და ონიანის დაკავებას პოლიტიკურ დევნას უწოდებენ „ევროპული საქართველოს“ წევრები. ოთარ კახიძე ამბობს, რომ გოგა ონიანი ივანიშვილის პირადი პატიმარია, რადგან ონიანის წინააღმდეგ არსებული საჩივრების ავტორები სწორედ ივანიშვილის ახლობლები არიან.

„გოგა ონიანი არის ივანიშვილის ხელისუფლების მორიგი პოლიტიკური პატიმარი. 5 წლით თავისუფლების მისჯა ონიანისთვის ერთადერთ საკითხს ემსახურება, ეს არის ის, რომ ივანიშვილის ოჯახის ახლობლები რადგან არიან ჩართულნი ამ საქმეში, ისინი არიან საჩივრის ავტორები, სამაგალითოდ სჯიან ადვოკატს და ხელისუფლების ოპონენტს,“ – განაცხადა კახიძემ.

„ევროპული საქართველოს“ ერთ-ერთმა ლიდერმა “ენმ”-ის პოლიტსაბჭოს თავმჯდომარის ნიკა მელიას მიერ გაკეთებულ იმ განცხადებასაც უპასუხა, სადაც მელია ამბობს, რომ „ევროპული საქართველოს“ წევრობის შემთხვევაში, ონიანის საქმეზე სხვა განაჩენი დადგებოდა. კახიძე ოპოზიციის ერთიანობის აუცილებლობაზე ამახვილებს ყურადღებას და მელიას განცხადებას „ბრიყვულ საქციელს“ უწოდებს.

„მაშინ, როდესაც ჩვენ ვხედავთ ხელისუფლების მხრიდან პოლიტიკური დევნის გაგრძელებას ასეთი თავხედური ფორმით, ოპოზიცია უნდა იყოს ერთიანი და დაუპირისპირდეს ივანიშვილის ხელისუფლებას. ჩვენ უნდა გავაერთიანოთ ძალისხმევა პოლიტიკური ოპონენტების გასათავისუფლებლად. ამ ფონზე, როდესაც ოპოზიციური პარტიის ლიდერი მეორე ოპოზიციურ პარტიას ესხმის თავს და ყურადღება ხელისუფლებიდან გადააქვს შიდაოპოზიციურ დაპირისპირებაზე, ეს არის უპასუხისმგებლობა და ბრიყვული საქციელი,“ -აცხადებს ოთარ კახიძე.

timer.ge თაიმერი
: timer.ge თაიმერი ნოემბერი 7, 2017 15:11

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,430
ვიზიტორი
დღეში
Powered By Google Analytics