სტამბულში შეიარაღებული მამაკაცი შეეცადა ჟურნალისტი ჯან დიუნდარი ცეცხლსასროლი იარაღიდან მოეკლა.
არსებული ინფორმაციით, თავდასხმის მცდელობას ადგილი სასამართლოს შენობასთან ჰქონდა. ჟურნალისტი არ დაშავებულა, მაგრამ ფეხში მსუბუქი ჭრილობა მიიღო NTV-ს კორესპონდენტმა იაგიზ შენკალმა, რომელიც ასევე სასამართლოდან გამოდიოდა. თვითმხილველების თქმით, თავდამსხმელმა მაშინ ისროლა, როცა ჟურნალისტები შენობიდან გამოდიოდნენ. ბოროტმოქმედი დაკავებულია და მიმდინარე მომენტში პოლიციაში დაკითხვაზე იმყოფება.
დიუნდარი ცნობილი თურქული გაზეთის Hürriyet-ის რედაქტორია. ის და გაზეთის ანკარის ბიუროს ხელმძღვანელი ერდ გიული გასული წლის ნოემბერში დაკაევბული იყვნენ სტატიის გამო, სადაც ისლამისტების მიერ სტამბულში იარაღის შემოტანაზე იყო საუბარი.