შინაგან საქმეთა სამინისტროს ინფორმაციით, რეგიონების პოლიციის დეპარტამენტების დირექტორებმა თანამდებობები დატოვეს. შინაგან საქმეთა სამინისტროში განმარტავენ, რომ აღნიშნული ცვლილებები სამინისტროში მიმდინარე ცვლილებების ფარგლებში განხორციელდა.
უწყებაში ამ ეტაპზე არ აკონკრეტებენ, რომელ რეგიონებში მოხდა ცვლილებები.
როგორც შს მინისტრმა, 14 იანვარს, ახალი მოადგილეების წარდგენისას აღნიშნა, ეს იყო პირველი ეტაპი იმ ძირეული საკადრო და სისტემური ცვლილებებისა, რომელიც შინაგან საქმეთა სამინისტროში იგეგმება.
კითხვაზე, იგეგმება თუ არა ცვლილებები საპატრულო პოლიციაში, მინისტრმა განაცხადა, რომ ამ მიმართულებით, ცვლილებები არ იგეგმებოდა.