საქართველოს შეიარაღებული ძალების III ქვეითი ბრიგადის 32-ე ბატალიონის ბრავო ასეულის პირადი შემადგენლობა ავღანეთში, პროვინცია მაზარ-ი-შარიფში ჩავიდა და ბაზა მარმალზე განთავსდა.
ბრავო ასეული როტაციის წესით ალფა ასეულს ჩაანაცვლებს. ქართველი ჯარისკაცები ბუნდესვერის სარდლობის ქვემდებარებაში სამშვიდობო მისიას შვიდი თვის განმავლობაში შეასრულებენ.
32-ე ბატალიონის ბრავო ასეულის მთავარი ამოცანა ბაზა მარმალის უსაფრთხოების უზრუნველყოფა იქნება. მისიის გადაბარების ოფიციალური ცერემონია რამდენიმე დღეში გაიმართება.
