აშშ-ს პრეზიდენტობის კანდიდატი რესპუბლიკური პარტიიდან, ფლორიდას ყოფილი გუბერნატორი ჯებ ბუში თვლის, რომ რუსეთის ლიდერის ვლადიმირ პუტინის მიზანია “აშშ მსოფლიოს მასშტაბით გამოიწვიოს” – ამის შესახებ განცხადება ბუშმა ტელეკომპანია CBS News-ის ეთერში გააკეთა.
“ჩვენ მსოფლიოზე ვკარგათ გავლენას, პუტინი კი პირიქით – იძენს” – განაცხადა ბუშმა და აღნიშნა, რომ რუსეთის პრეზიდენტი აშშ-ს დასუსტებაში ხედავს საკუთარ წარმატებას.მისი თქმით, რუსეთის ლიდერი აშშ-ს მოკავშირე არ არის და “ის დიქტატორია”.
პრეზიდენტობის კანდიდატის თქმით, მის ქვეყანას ისეთი პრეზიდენტი უნდა, რომელიც ამერიკელების ინტერესს აქტიურად დაიცავს – ევროპაში თუ ახლო აღმოსავლეთში – “მხოლოდ ამ შემთხვევაში შეიძლება პუტინთან ურთიერთობის გაუმჯობესება” – თქვა ჯებ ბუშმა.
