საქართველოს საკონსტიტუციო სასამართლოს თავმჯდომარე გიორგი პაპუაშვილი ლონდონში გაერთიანებული სამეფოს უზენაესი სასამართლოს თავმჯდომარეს, ლორდ დევიდ ნიუბერგერს შეხვდა.
საკონსტიტუციო სასამართლოს ინფორმაციით, სამუშაო ვიზიტის ფარგლებში დაგეგმილი შეხვედრა გაცნობით ხასიათს ატარებდა. გიორგი პაპუაშვილმა და ლორდ დევიდ ნიუბერგერმა ისაუბრეს სამომავლოდ ორმხრივი თანამშრომლობის საკითხებზე.
“ეს გიორგი პაპუაშვილის პირველი სამუშაო ვიზიტია დიდ ბრიტანეთში, სადაც დევიდ ნიუბერგერის გარდა შეხვედრები დაგეგმილია გაერთიანებული სამეფოს ინტერპარტიული საპარლამენტო ჯგუფის თავმჯდომარე ჯონათან ჯანოგლუსა და საგარეო და თანამეგობრობის საქმეთა სამინისტროს აღმოსავლეთ ევროპისა და ცენტრალური აზიის დეპარტამენტის დირექტორ მაიკლ ტათჰამთან”, – აღნიშნულია განცხადებაში.
