„ენგურჰესი“ სრული დატვირთვით დღეს საღამოს ამუშავდება. როგორც ჰიდროელექტროსადგურის ტექნიკურმა დირექტორმა გია ხუბუამ განაცხადა, ხუთშაბათს, გვიან საღამოს ჩაირთო 2 აგრეგატი, პარასკევს კიდევ ერთი.
„საღამოს ჩაირთვება მე-4 აგრეგატიც და მუშაობა სრულად აღდგება. მთავარია, რომ საერთო სასადგურე პრობლემა მოგვარებულია და ავარიის წინა რეჟიმიც აღდგენილია“, – განაცხადა ხუბუამ.
„ენგურჰესი“ ავარიულად 24 მაისის 20:11 საათზე გაითიშა, რამაც გამოიწვია ენერგოსისტემაში ელექტროენერგიის დეფიციტი, რის გამოც ქვეყნის რამდენიმე რეგიონსა და თბილისის ნაწილს ელექტროენერგიის მიწოდება შეუწყდა.