რეგიონული განვითარებისა და ინფრასტრუქტურის მინისტრი განვლილ სამ წელიწადს აფასებს. დღეს ზუსტად 3 წელი გავიდა საქართველოში ხელისუფლების ცვლილებების შემდეგ.
ნოდარ ჯავახიშვილმა თავისი უწყების მუშაობაზეც ისაუბრა.
„გაუმჯობესდა ხარისხიც და წარმოუდგენლად დიდი მოცულობის სამუშაოები ჩატარდა თუნდაც, მხოლოდ ავტობანზე. საკმაოდ სწრაფი ნაბიჯებით მივდივართ წინ, მაგრამ ეს ძალიან შორს არის საჭიროებებიდან და ჩვენი სურვილებიდან. იმედია, კიდევ უფრო დაჩქარდება ტემპები. ასევე იმედს ვიტოვებ, რომ მსოფლიოში აღარ იქნება ისეთი მნიშვნელოვანი ეკონომიკური უპირველესყოვლისა კატაკლიზმები,“ – აცხადებს ნოდარ ჯავახიშვილი.