ზაპოროჟიეს რეგიონში ვითარება დაიძაბა. მიმდინარეობს დამპყრობლების მასიური შეტევა, – ამის შესახებ ზაპოროჟიეს რეგიონალური სამხედრო ადმინისტრაციის ხელმძღვანელმა ალექსანდრე სტარუხმა განაცხადა.
„ზაპოროჟიეს რაიონში ვითარება დაიძაბა, უკრაინის შეიარაღებული ძალები აკონტროლებენ რეგიონს მაგრამ შეტევა მასიურია“, – აღნიშნა ზაპოროჟიეს რეგიონალური სამხედრო ადმინისტრაციის ხელმძღვანელმა.
მისი თქმით, ოკუპირებულ ტერიტორიებზე დიდი პრობლემებია მედიკამენტებთან და საკვებთან დაკავშირებით. მთლიანობაში, რეგიონში ელექტროენერგიის და წყალმომარაგების გარეშე დარჩა 69 დასახლებული პუნქტი.
