“ლეიბორისტულმა პარტიამ” კაზინო შანგრილასთან აქცია გამართა.პარტიის ლიდერის შალვა ნათელაშვილის განმარტებით, “დაიარება ყოველ ღამე მილიონრები მთავრობიდან და პარლამენტიდან”.
“ყომარბაზული ბუნაგი მოაწყვეს ჩვენს წმინდა ადგილას, საპატრიარქოსა და სიონის ტაძარს შორის, სადაც დაიარება ყოველ ღამე მილიონრები მთავრობიდან და პარლამენტიდან. ამ კრიმინალურ ცენტრში წელიწადში ტრიალებს მილარდ ნახევარი. ჩვენ ვიწყებთ ბრძოლას ამ კრიმინალური სტრუქტურების წინააღმდეგ და მივაღწევთ იმას, რომ გავაუქმებთ ონლაინ-კაზინოებს საერთოდ და დარჩენილ კაზინოებს გავიტანთ ქალაქიდან ძალიან შორს”,- განაცხადა შალვა ნათელაშვილმა.
