ვითარება გარეჯში – საგარეო უწყება განმარტებებს აკეთებს

თაიმერი timer.ge
ავტ.: თაიმერი timer.ge ივლისი 30, 2019 14:26

ვითარება გარეჯში – საგარეო უწყება განმარტებებს აკეთებს

გარეჯში შექმნილი ვითარების გარკვევას კი ორმხრივი კომისია ადგილზე შეეცდება. როგორც საგარეო საქმეთა მინისტრის მოადგილემ, ლაშა დარსალიამ განაცხადა, სადელიმიტაციო საკითხებზე მომუშავე კომისია ექსპერტებთან ერთად დავით გარეჯში 19 აგვისტოს ჩავა და მოლაპარაკებები დაიწყება.

მისი განცხადებით, ამ დროისთვის გაზრდილია როგორც აზერბაიჯანელი, ისე ქართველი მესაზღვრეების რიცხვი. დარსალია ადასტურებს, რომ შეზღუდულია გადაადგილება აღდგომის ტაძრის მიმართულებით. დარსალია ამბობს, რომ კომისია, რომელიც სხვადასხვა უწყებებისგან არის შემდგარი მუშაობს, რათა ძველი რეჟიმი აღდგეს.

„მნიშვნელოვანია მაქსიმალურად შენარჩუნდეს სიმშვიდე და მაქსიმალურად იყოს კეთილგანწყობილი ატმოსფერო.

მუშაობა მუდმივად მიმდინარეობს ყველა უწყების შესაბამისი კომპეტენციის ფარგლებში . პრობლემა 25 წელია არსებობს და კომისიები ორივე მხრიდან დაკომპლექტებულია სხვადასხვა უწყების მიერ. მუშაობა კომისიების დონეზე მიმდინარეობს. პრობლემა ძალიან რთულია, პრობლემა უნდა მოვაგვაროთ რაც შეიძლება მალე.

ბოლო ინციდენტის შემდეგ გარკვეული შეზღუდვებია დაწესებული ორივე მხრიდან გადაადგილებაზე და მიმდინარეობს მუშაობა, რათა დაბრუნდეს ძველი რეჟიმი,“-აცხადებს ლაშა დარსალია.

თაიმერი timer.ge
ავტ.: თაიმერი timer.ge ივლისი 30, 2019 14:26

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,408
ვიზიტორი
დღეში
Powered By Google Analytics