„სტრატეგია აღმაშენებლის“ წევრის გიორგი ვაშაძის განცხადებით, ყველაზე რეალისტური და ობიექტური იქნებოდა, თუ მიხეილ სააკაშვილს სამართლიანი სასამართლოს შესაძლებლობა ექნებოდა.
„უნდა დაორგანიზდეს სასამართლოს მექანიზმი, ამ პროცესში უცხოელი მოსამართლეები უნდა ჩაერთონ და მიხეილ სააკაშვილს საკუთარი თავის მართლების შესაძლებლობა უნდა ჰქონდეს. ყველაზე სწორი გამოსავალი ეს იქნებოდა. სხვა მექანიზმებს – გადავადებას, საზღვარგარეთ მკურნალობას თუ ა.შ. სჭირდება რაღაც პოლიტიკური შეთანხმება, რადგან ეს არ ხდება ჰაერიდან. თუ ასეთი დისკუსია დაიწყება, მზად ვართ, ამ პროცესში მონაწილეობა მივიღოთ“, – აღნიშნა გიორგი ვაშაძემ.
