რა ზარალი მიაყენა ძლიერმა ხანძარმა მოვაჭრეებს – ვარკეთილის ბაზრობაზე გაჩენილი ხანძრის შედეგების აღრიცხვა დღეიდან დაიწყება.
ძლიერმა ხანძარმა ათობით მოვაჭრე დააზარალა. თბილისის მერია დაზარალებულებს გუშინვე შეხვდა და მათ დახმარებას დაჰპირდა.
ადგილზე ჯერ კიდევ რჩებიან სახანძრო-სამაშველო სამსახურის წარმომადგენლები, რადგან ტერიტორიაზე ხანძრის კერები კვლავ რჩება. თუმცა აღსანიშნავია, რომ ხანძრის მიმდებარე ტერიტორიაზე საავტომობილო გზა უკვე გახსნილია. ცეცხლის კერების ლიკვიდაციის შემდეგ კი, ექსპერტიზა და საგამოძიებო მოქმედებები დაიწყება.