ვანუატუს ხელისუფლებამ ბრძანება გასცა ჩრდილოეთ კუნძულის – ობას სრული ევაკუაციის თაობაზე, რაც უკავშირდება ვულკანის შესაძლო ამოფრქვევას.
ვულკანმა მანარომ ჯერ კიდევ გასულ კვირას დაიწყო ვულკანური გაზის და ფერფლის გამოყოფა, რამაც მოსახლეობაში შიში გამოიწვია. სწორედ ამან უბიძგა ვანუატუს ხელისუფლებას მიეღო ბრძანება ხალხის ევაკუციის შესახებ. კუნძულზე 10 000 ადამიანი ცხოვრობს, რომლებიც სხვა კუნძულებზე განათავსეს.