ვახტანგ ბუცხრიკიძე აცხადებს, რომ საზოგადოებრივი მოძრაობის დაფუძნების შესახებ მამუკა ხაზარაძის ინიციატივაზე სოციალური ქსელიდან შეიტყო

region
ავტ.: region ივლისი 9, 2019 14:15

ვახტანგ ბუცხრიკიძე აცხადებს, რომ საზოგადოებრივი მოძრაობის დაფუძნების შესახებ მამუკა ხაზარაძის ინიციატივაზე სოციალური ქსელიდან შეიტყო

„თიბისი ბანკის“ გენერალური დირექტორი ვახტანგ ბუცხრიკიძე აცხადებს, რომ მამუკა ხაზარაძის მიერ საზოგადოებრივი მოძრაობის დაფუძნების ინიციატივაზე სოციალური ქსელიდან შეიტყო.

ამის შესახებ ბუცხრიკიძემ საქართველოს განაცხადა კითხვაზე, აპირებს თუ არა მამუკა ხაზარაძის მოძრაობაში გაწევრიანებას.

როგორც მან აღნიშნა, ამ საკითხზე მამუკა ხაზარაძესთან კომუნიკაცია არ ჰქონია.

„მეც თქვენნაირად „ფეისბუქიდან“ გავიგე, არ მაქვს სხვა კომენტარი, კომუნიკაცია არ მქონია“, – განუცხადა საქართველოს პირველ არხს „თიბისი ბანკის” გენერალურმა დირექტორმა, ვახტანგ ბუცხრიკიძემ.

ვახტანგ ბუცხრიკიძეს საქართველოს პირველი არხი მთავრობის ადმინისტრაციაში გაესაუბრა. ამასთან, ბუცხრიკიძემ არ დააკონკრეტა, რა მიზეზით იმყოფებოდა კანცელარიაში.

„თიბისი ბანკის“ დამფუძნებელმა, მამუკა ხაზარაძემ დღეს განაცხადა, რომ სექტემბერში ახალ საზოგადოებრივ მოძრაობას აფუძნებს. „მიზანშეწონილად მივიჩნევ, ახალი საზოგადოებრივი მოძრაობის დაფუძნებას, სადაც გაერთიანდებიან სხვადასხვა სფეროს წარმომადგენლები, ისინი, ვისაც გააერთიანებს საქართველოში თანამედროვე დასავლური ყაიდის სახელმწიფოს მშენებლობის იდეა, რომელსაც ექნება ყველაზე კონკურენტული და ძლიერი ეკონომიკა რეგიონში და სადაც იზეიმებს კანონის უზენაესობა“, – დაწერა „ფეისბუქის“ გვერდზე მამუკა ხაზარაძემ.

region
ავტ.: region ივლისი 9, 2019 14:15

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,286
ვიზიტორი
დღეში
Powered By Google Analytics