“ქართული ოცნება-დემოკრატიული საქართველოს” აღმასრულებელი მდივნის ირაკლი კობახიძის განცხადებით, გუშინდელ სხდომას ბიძინა ივანიშვილი ესწრებოდა, რომელმაც კოალიციას რჩევები მისცა.
კობახიძის თქმით, ერთ-ერთი რჩევა საარჩევნო კოდექსსაც ეხებოდა.
“ვადასტურებ, რომ გუშინდელ სხდომას ბატონი ბიძინა მართლაც ესწრებოდა, მისგან მივიღეთ რჩევები. ერთ-ერთი რჩევა კი საარჩევნო კოდექსთან დაკავშირებით იყო. მოგეხსენებათ, რომ საარჩევნო კოდექსი პირველი მოსმენით უკვე მიღებულია და მეორე მოსმენით, მიმდინარე კვირაში იქნება მიღებული”, – განაცხადა ირაკლი კობახიძემ.
