2016 წლის ბოლომდე უკრაინა საერთაშორისო სავალუტო ფონდიდან (სსფ) 4,3 მილიარდი დოლარის დახმარებას ელოდება – ამის შესახებ ქვეყნის ფინანსთა მინისტრმა, ალექსანდრ დანილიუკმა ისაუბრა.
“სსფ-სთან დაკავშირებით ჩვენი გეგმები გვაქვს – ეს 4,3 მილიარდი დოლარია სამი ტრანშით, და ჩვენ სამივე ტრანშის მიღების იმედი გვაქვს” – განაცხადა დანილიუკმა. მან იმედი გამოთქვა, რომ ფონდი წლის ბოლომდე განიხილავს საკითხს.
მან ასევე აღნიშნა, რომ სსფ-სა და უკრაინას შორის მხოლოდ ტექნიკური საკითხებია მოსაგვარებელი.
